Autor: IsaZ

Navegando pola tormenta de emocións dos nosos fillos e fillas: axudando ás familias a entender o cerebro adolescente.

O próximo martes 3 de decembro ás 18.00 convidámosvos a asistir á charla de Saúde Emocional impartida pola colaboradora Raquel Fernández Domínguez.

A charla terá lugar no Salón de Actos do IES Salvador de Madariaga

De que falaremos?

Neste obradoiro, Raquel Fernández axudaranos a comprender mellor o funcionamento do cerebro adolescente e o papel crucial das relacións de apego no seu desenvolvemento emocional. Exploraremos como estas conexións inflúen na capacidade de xestión emocional e a resiliencia dos adolescentes antes as dificultades.

Como inscribirse?

Esta charla forma parte do Escola de Nais e Pais, un programa impulsado polo Anpa coa colaboración do  Centro Educativo.

A charla é de balde; e podédesvos inscribir neste enlace

Sobre a poñente

Raquel Fernández é educadora social e pedagoga cunha amplia traxectoria no ámbito da saúde mental. Conta con máis de 15 anos de experiencia traballando con menores gravemente traumatizdos, ofrecendo apoio ás súas familias e supervisión a profesionais de protección infantil. Ademais, imparte formación sobre apego, regulación emocional e trauma para educadores, profesionais da protección á infancia e familias; contribuíndo á prevención e coidado emocional dos menores.